معاني الرمـــــوز FRR و FRL لي موجودين فالرغبات ومفهمتوهمش :
تخصص تكوين محلي : FRL
يعني تخصصات جامعية تكون على مستوى ولايتك يجب اختيار 2 من هذه التخصصات بصفة إجبارية من بين 10 .
- بالنسبة لرمز : C01TCL يقصد به كلاسيك ( مهندس دولة)
- و اللي يبدا ب C01FPN تخصص ليسانس مهنية و هو موجود في 3 جامعات ذات تسجيل وطني.
و C01LAL تسجيل ولائي تاع الولاية تاعك: نظام Lmd
♦️ نصيحة : حاولو قدر المستطاع تكلاسيو رغباتكم الشخصية وليس مقترحات الغير
🏧تخصص محلي يعني في ولايتك في أقرب جامعة لبيتك
🏧تخصص جهوي يعني في جهتك من الوطن شرق الجزائر، غرب وسط... صحراء
🏧تخصص وطني يعني كل ولايات الجزائر تدرس في نفس الجامعه (مثل تخصص مدرسة عليا للإعلام الآلي بالجزائر)
✅ لازم إجباري و محتم عليك تختار تخصصين من نوع FRL/FRR و نظام تعليم LMD
مثل تخصص علوم و تكنولوجيا ، تخصص حقوق ، تخصص علوم إنسانية
#التحالف_من_اجل_التجديد_الطلابي_الوطني
#الجزائر_أعطيناك_عهدا
حبيت نفهكم في دلالة كل رمز من الرموز لي تلقوها في قائمة التخصصات المقترحة تعقيبا على منشوري السابق لي ممكن الغاشي مافهمش مليح .. نبداو 👇:
📌 اولا - C01EAN/EPN : ليسانس عن بعد و ليس حضوري ... EAN ليسانس اكاديمي تقدر تكمل بيها الماستر عن بعد بينما EPN عبارة عن ليسانس بروفيسيونال ما تنجمش تكمل الماستر عن بعد
📌ثانيا -IAN/IAL : عبارة عن تخصصات لي الماستر تاعها مدمج مع ليسانس يعني ليسانس و ماستر تقروهم فرد مرة كيما تخصص الهندسة المعمارية الفرق بينهم انو IAN تسجيل ناسيونال يعني وطني و الأخرى التسجيل يكون محلي
📌 ثالثا- TPN/FPN : أيضا ليسانس مهني TPN هذي تقروها في المعهد الوطني للعلوم التطبيقية و FPN في الجامعة ( يوجد في ثلاث جامعات فقط في الوطن من بينها تاع الجلفة )
📌رابعا- MAL: العلوم الطبية كيما الميدسين ،لافارماصي
📌خامسا - VAN/ VAL : علوم البيطرة وحدة التسجيل في التخصص هذا يكون محلي و الاخر وطني
📌 سادسا- C01TCL: يعني التخصص يخضع للنظام الكلاسيكي يسمى الشهادة لي تديها هي شهادة مهندس دولة في التخصص اداك و يخص تقريبا المدارس الوطنية العليا
📌سابعا - C01PSL: يخص المدراس العليا للأساتذة
📌 ثامناً- C01LAL (FRR/FRL): رمز خاص لتخصصات LMD يعني ليسانس ماستر دكتوراه فيه زوج انواع FRR يعني التخصص هذا يقدرو يسجلو فيه من جميع الولايات و FRL للتسجيل يكون لوكال يعني محلي